كيك بريوشي محشي قرفة و زبدة بنة? و خفة? ، مع البرد هاذا واش يليق
المقادير :
- كأس الا ربع حليب دافئ
- 2 مغارف كبار سكر
- مغرف كبيرة خميرة الخبز
- ربع كأس زيت
- فرينة
الحشو :
- 2 مغارف كبار سكر عادي
- مغرف كبيرة زبدة طرية
- نصف مغرف كبيرة قرفة
طريقة التحضير :
نخلط كأس الا ربع حليب دافئ + 2 مغارف كبار سكر+ مغرف كبيرة خميرة الخبز+ ربع كأس زيت
نخلط ونبدا نزيد الفرينة حتى نتحصل على عجينة طرية
ندلكها حوالي 2د مبعد نرشها بشوية فرينة ونغطيها ونخليها تخمر حوالي 45د
في نفس الوقت نوجد الحشو في طبسي نخلط 2 مغارف كبار سكر عادي + مغرف كبيرة زبدة طرية+ نصف مغرف كبيرة قرفة و نخلط حتى ينساجمو
كي تخمر العجينة نرش طاولة العمل بالفرينة و نحلها بشكل مستطيل تكون شوية رقيقة و
حجمها يكون ضعف المول انتاعك و ندهنها كاملة بالحشو
نرولي الجهة اليمنى الى الوسط مبعد نزيد نرولي الجهة اليسرى الى الوسط مبعد نقسمو على اثنان و نحط الجزء
الاول في المول خاص بالكيك مدهون بالزبدة و اذا كان يلصق من الأحسن تحطي فيه ورق الطهي مبعد دزيدي تحطي فوق
الجزء الأول الجزء الثاني و تغطيه و تخليه يخمر حوالي 30د او اكثر مبعد تدهنيه بالحليب و دخليه الفرن سخون على درجة 180* كي يطيب ويتحمر تخرجيه.
شهية طيبة
