كيكات فردية محشية بكريمة الليمون اللذيذه و المنعشة
المقادير
- 2 بيض
- 1/2 كأس سكر
- 1/2 كأس زيت
- 1 ياهورت
- 1,5 كأس فرينة
- 10غ خميرة كيميائية
- معطر الليمون
- مقادير الكريمة:
- 1 كأس سكر
- 1/2 كأس عصير الليمون
- 1/2 كأس ماء
- 1 م ك نشاء
- 1 م ك زبدة
الطريقة
نستعمل قوالب فرديين (ماجيك) ندهنهم بالزيت و نرشهم بالفرينة، و نشعل الفرن يسخن على 180 درجة
نخلط جيدا البيض مع السكر و معطر الليمون ثم نضيف الزيت و نخلط ثم نضيف الياهورت و نخلط، ثم نضيف الفرينة و الخميرة الكيميائية مغربلين و نخلط حتى يصبح الخليط أملس
نملئ الخليط في القوالب (3/4 من سعة القالب)، ثم ندخلهم للفرن مسخن مسبقا على 180 درجة حتى يطيبوا و يأخذوا لون ذهبي، ثم نتركهم يبردوا و ننزعهم من القوالب
لتحضير الكريمة نخلط العصير مع الماء و السكر و النشاء و نضعهم فوق النار و نخلط بدون توقف حتى يصبح الخليط ثقيل و في بداية الغليان نطفئ النار و نضيف الزبدة و نخلط حتى تذوب
نملئ الكريمة في الكيكات و نتركها تبرد، بعد ذلك نطلع بودرة الشونتيي مع الحليب بارد ثم نضعها في كيس حلواني و نزين بها الكيكات
بالصحة و الهنا
Merci. Pour. La resaite. J’attends. Bnina. Un. Gro. Merci