حلوياترمضان

طريقة عمل الدونتس

السلام عليكم ،اليوم نعطيكم طريقة الدونتس الي تتباع في المحلات بزاف طلبوها مني ،فقط تبعو الطريقة بالتدقيق و الاسرار باذن الله تنجحو فيها

المقادير :      

  • 300 غ فرينة – طحين –فورص
  • 120 غ حليب سائل
  • بيضة واحدة
  • 50 غ زبدة او مرغرين بحرارة الغرفة
  • 50 غ سكر
  • ملعقة صغيرة ملح – 4 غ –
  • ملعقة صغيرة خميرة الخبز – 6 غ –
  • منكهات فاني + مبشور ليمون او مبشور البرتقال خسب الرغبة

طريقة التحضير :      

  • نخلط كل المواد مع بعض المواد الجافة فرينة و الخميرة و السكر و الملح و المنكهات ثم نضيف الزبدة و البيض نضيف الحليب ونعجن باليد او بالماكينة العجين لمدة دقيقتين نتحصلو على عجينة ملساء تتلاصق في اليد ،من بعد نحطوه في طاولة العمل مرشوش بالفرينة وحاولو تعجنوها دقيقة فقط تحاولو ترطبو العجين ،خليوه يريح حتى يتضاعف حجمه حسب حرارة الغرفة من 40 دقيقة حتى ساعة
  • بعدها فوق طاولة عمل مرشوشة بالفرينة نحلو العجين على سمك 1 سم تقريبا ونقطع دوائر بقاطع رقم 10 و دوائر في الوسط،هنا الحجم حسب الرغبة،
  • بقايا العجين تجمعوه دون عجن ،ثم تعاودو تحلوه من جديد فقط خليوه يرتاح دقيقة او دقيقتين باش كي تجيو تقطعوه ما تعاودش تتكمش الحبة لانو العجين لازم يكون مريح،وكملو العملية حتى تكملو كامل العجين .
  • خليو الدونتس تتخمر جيدا حتى تتضاعف حجمها ،لازم تحطوها فوق ورق زبدة او طرشون مرشوش بالفرينة،وتغطيوها بطرشون السطح نتاعها ما لازمش يقيسو الهواء
  • بعد ما يخمرو دونتس ،سخنو الزيت و حاولو تهزو الحبات برفق باش ما تسفدولهمش الخمور نتاعهم ،استعملو spatules باش تهزوهم ،او تقدرو الي تخاف تفسدهم من البداية كي تقطعوهم حطو كل حبة فوق قطعة مربعة صغيرة من ورق الزبدة وخليهم يخمرو فوقهم ،هكذا كي تجيو تطيبوهم مباشرة تهزوها بورق الزبدة وتحطوها في الزيت من بعد تسحبو ورق الزبدة ،
  • طيبوه حتى ياخذ اللون الذهب
  • تحبو مباشرة تحطوهم في سكر عادي
  • او للتزيين تستعملو الشكولا بيضاء ،سوداء حسب الرغبة تذوبوها فوق حمام مريم وتغطيو الوجه العلوي بالشكولا تشرو حبيبات الحلوى للتزيين
  • اما انكم تستعملو كراميل : 3 ملاعق كراميل مع 3 ملاعق كريمة طازجة نخلطوهم جيدا ونغطيو بيهم وجه من فوق للدونتس .
  • ملاحظة : باش تعرفي انو الوصفة نجحتلك من داخل ييك ناشف مافيهش الزيت يجي قطني.

بالصحا و الهنا

3.9/5 - (9 أصوات)

اترك تعليقاً

لن يتم نشر عنوان بريدك الإلكتروني.

 

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

زر الذهاب إلى الأعلى