بطريقة المسمن حضري احلى مملحات مقرمشين و مورقين بحشو اقتصادي لأم وليد

نخلط 3 كيسان فرينة + ملح+ نصف مغرف صغيرة خميرة الخبز

نخلط ونبدا نزيد ماء دافئ حتى نتحصل على عجينة تتلصق

ندلكها حوالي 3د حتى تولي رطبة نحطها في كيس بلاستيكي و
نخليها ترتاح على الاقل 10د

مبعد ندهن اليدين بالزيت و نشكل کرات و نحطهم في سنيوة مدهونة بالزيت و نزيد ندهنهم نغيطهم
ونخليهم يرتاحو على الاقل 20د

في نفس الوقت نوجد الحشو،

في مقلة نحط شوية زيت ونقلي 2 حبات بصل مقطعة رقيقة نقليها
شوية و نزيد معها فلفل اخضر مقطع رقيق و نزيد ملح فلفل اسود و
نقليهم مليح ونزيد زوج علب تون طماطم نخلط نخليهم يتجمرو
شوية و نطفي

مبعد ندهن طاولة العمل و الكرة الأولى بالزيت و نحلها بشكل دائري رقيقة و ندهنها بالزبدة مبعد نطويها كيما
المسمن بشكل مربعة و نكمل البقية بنفس الطريقة ونغطيهم و
نخليهم يرتاحو على الاقل 10د

مبعد نحكم الخبزة الاولى ندهنها بالزيت و نحلها شوية من الجوانب فقط و ندير الحشو في الوسط
و نزيد جبن طري و نرفد الاطراف و نجبدهم كاملة الى الوسط و نغلق و ندورها و نحلها شوية برك و نكمل البقية و نحطهم فيسنيوة فيها ورق الطهي وندهنهم ببيضة مخلطة مع قطرات خل و نزيد فوقهم جبن مبشور و نشعل الفرن على درجة 190* يسخن لمدة 10د و مبعد ندخلهم كي يطيبو ويحمارو مليح نخرجهم.
شهية طيبة