نخلط الفرينة مع قليل من الملح و السكر ثم نضيف الماء على دفعات مع مواصلة الخلط حتى نتحصل على عجينة طرية
ندلك العجينة جيدا على طاولة العمل لمدة دقيتين الى 5 دقائق
ندهن صينية و العجينة بالزيت ثم نغطيها بكيس بلاستيكي و نتركها ترتاح لمدة 10 دقائق
نشكلها على شكل كريات صغيرة و نضعهم في صينية مدهونة بالزيت ثم نغطيهم بكيس بلاستيكي و نتركهم يرتاحوا لمدة نصف ساعة
لحضير خليط التوريق نخلط في كأس قليل من الزيت مع ملعقة صغيرة او اثنين فرينة
نضع كرية من العجين فوق طاولة العمل ندهن اليد بقليل من الزيت و نفتح الكرية رقيقة جدا ثم ندهنها بخليط التوريق ثم نطويها على اثنين و ندهنها بخليط التوريق مره اخرى ثم نطويها على اربعة و ندهنها كذلك في الوسط بخليط التوريق
نضع حبات المسمن في صينية مدهونة بالزيت و نغطيهم بكيس بلاستيكي و نتركهم يرتاحوا لمدة نصف ساعة
نشعل الفرن يسخن على 190 درجة و ندهن صينية فرن بالزيت
ناخذ حبة مسمن و نفتحها مره اخرى رقيقة جدا ثم ندهنها بخليط التوريق و نطوي حبة المسمن من جديد مع الدهن بخليط التوريق في كل طوية
نضعها حبات المسمن مقلوبة في صينية الفرن و نفتحهم قليلا فقط ثم ندهنهم بالزيت ثم ندخلهم للفرن حتى ينضجوا
