فطائر و معجنات
مطبخ ام وليد مثقبة في الفرن طرية و تذوب في الفم تقولي عليها مقروط ، بلا قليان و معسلة
المقادير :
- سميد متوسط
- مغرف صغيرة فانيليا
- مغرف صغيرة سكر
- 2 مغارف کبار فرينة
- كأس مخلط نصف ليدام زبدة او مارغارين ذائبة و النصف
الاخر زيت - ماء زهر
طريقة التحضير :
نخلط 3 كيسان معمرين مليح سميد متوسط+ ملح نخلط نزيد مغرف صغيرة فانيليا + مغرف صغيرة سكر
نخلط نزيد 2 مغارف کبار فرينة نخلط ونزيد كأس مخلط نصف ليدام زبدة او مارغارين ذائبة و النصف
الاخر زيت
نبسس مليح العجينة مليح مبعد نزيد رشية ماء زهر حوالي 2 مغارف كبار ونبدا نزيد في الماء و
نلمها بدون عجنها حتى تتشمخ كاملة و تقدري تشديها ونفرغها في مول و نحلها لازم تكون خشينة و ماشي
محتم تكون بحجم المول مبعد نسقم الوجه ونقسمها مربعات و نشكل خطوط على الوجه وندخلها الفرن
سخون على درجة 190* كي تتحمر من تحت نشعل من فوق لازم ما تخليهاش طول بزاف في الفرن غير تحمار
نخرجها حوالي 35د ونعسلها مباشرة ونعاود نقسمها
ونخليها تتعسل مليح ونقدمها.
شهية طيبة
