مطبخ ام وليد كيكة الكحلوشة اللي قلبها بيض

نخلط جيدا البيض مع السكر ثم نضيف الزيت و نخلط، ثم نخلط الماء مع القهوة و نضيفه الى الخليط و نخلط، ثم نضيف الكاكاو و الخميرة الكيميائية و كأس فرينة مغربلين و نخلط، ثم نضيف 1.5 كأس فرينة و نخلط حتى نتحصل على خليط أملس

نفرغ الخليط في قالب فيه ورق طهي او مدهون بالزيت و مرشوش بالفرينة، و نتركه على الجانب الى ان نقوم بتحضير الحشو

لتحضير الحشو نخلط جوز الهند مع الحليب المركز المحلى حتى نتحصل على خليط متماسك، ثم نشكل الخليط كرات صغيرة، ثم نضعهم عشوائيا في خليط الكيك، ثم ندخله للفرن على 180 درجة حتى يطيب

لتحضير السيرو نخلط 1 كأس سكر مع 2 كأس ماء و شريحة ليمون و نضعهم يغلوا فوق النار لمدة 5 دقائق، و بعد ما نخرج الكيك من الفرن بحوالي 10 دقائق نسقيه بالسيرو و نتركه يبرد

لتحضير الغلاصاج نخلط الشوكولا مع الياهورت الطبيعي، ثم نضعهم فوق النار و نخلط حتى تذوب الشوكولا فقط، ثم نغلاصي به الكيك ثم نتركه يبرد

ننزع الكيك من الصينية ثم نقطعه مربعات او مستطيلات بالسكين (نمرر السكين مباشرة بدون انا نرفعه و ننزله اثناء التقطيع، و نقوم بمسحه بعد كل مرة)

بالصحة و الهنا

طريقة التحضير بالفيديو :