عندك غير طوماطيش وبصل في الدار ماتسلكك
غیر کسرة محشية خفيفة و بنينة الله الله
المقادير :
- 2 كيسان سميد رطب
- كأس فرينة
- ربع كأس زيت
- خميرة الخبز
- خميرة الحلوى
- ملح
الحشو :
- بصل و طماطم مذبلين
- الهريسة
- جبن المثلثات او كاموبار
طريقة التحضير :
نخلط 2 كيسان سميد رطب + كأس فرينة+ ربع كأس زيت + مغرف صغيرة كل من خميرة الخبز و خميرة الحلوى نزيد
الملح نخلط كلشي مع بعض مبعد نبدا نزيد في ماء دافئ حتى نتحصل على عجينة طرية
ندلكها حتى تولي رطبة
نقسمها على 3 خبزات نكورهم ونحطهم في سنيوة مدهونة بالزيت نغطيهم ونخليهم يرتاحو حوالي 30د
نحكم الخبزة الأولى نحلها بالحلال بشكل دائري و رقيقة بزاف مبعد نحط الحشو لي هو نفسو
حشو المحاجب لي دراتو المرة الاخيرة بصل و طماطم مذبلين و مرحيين ندهن جانب فقط نزيد الهريسة لي يحب
الحار و نزيد جبن المثلثات او كاموبار حسب الموجد في المنزل و نطبق الجانب الاخر فوق الحشو ونضغط على
الجوانب ونحطها طيب في الطاجين او مقلة نحمرها مليح من كل الجوانب ونحيها نكمل البقية بنفس
الطريقة و الحشو يبقى اختياري.
شهية طيبة
