كروكي رخامي رائع بوصفة تخليه طري و بنين
المقادير :
- 2 بيض
- 3/4 كأس سكر
- 3/4 كأس زيت
- 1 خميرة كيميائية
- 1 م ص فانيليا
- 2 م ك كاكاو
- فرينة
طريقة التحضير :
نخلط جيدا البيض مع السكر و الفانيليا ثم نضيف الزيت و نخلط، ثم نضيف حوالي كأس فرينة و الخميرة الكيميائية و نخلط ثم نقسم الخليط الى جزئين، و نضيف لجزء الفرينة (تدريجيا) حتى نتحصل على عجينة طرية و تلتصق
نضيف الى الجزء الثاني الكاكاو مغربل و نخلط ثم نضيف الفرينة (تدريجيا) و نخلط حتى نتحصل على عجينة طرية و تلتصق، ثم نقسم كل عجينة الى جزئين و نشكلهم حرابش متساويين
نلصق حربوش ابيض مع البني ثم فوق البني نضع الابيض و فوق الابيض نضغ البني، ثم نشكلهم حربوش مع بعض ثم نطويهم على اثنين و نلويهم و نشكلهم حربوش مرة اخرى
نضعه في صينية و نسويه جيدا ثم ندخله للفرن على 180 درجة حتى يطيب، و بعد ما يبرد نزينه بالشوكولا ذائبة مخلوطة بقليل من الزيت و بعد ما تجف نزينه بالشوكولا البيضاء و نتركها تجف، ثم نقطعه
بالصحة و الهنا
