فطائر و معجنات
مطبخ ام وليد فطاير محشية بحشو اقتصادي و عجينة ساهلة يوجدو في نصف ساعة
المقادير :
- كأس حليب دافئ
- خميرة الخبز و السكر
- بياض بيضة
- زيت
- الملح
طريقة التحضير :
- نخلط نصف كأس حليب دافئ + مغرف صغيرة كل من خميرة الخبز و السكر+ بياض بيضة+ 2 مغارف كبار
زيت نخلط نزيد الملح نخلط و نبدا نزيد الفرينة حتى نتحصل على عجينة طرية - ندلكها حوالي 2د حتى تولي رطبة
- نشكل حربوش و نقسمو على 10 اجزاء
- نكورهم و نحطهم في سنيوة مدهونة بالزيت نزيد ندهن الوجه انتاعهم ونغطيهم نخليهم يرتاحو حوالي 30د
- نحل الكرة الاولى بشكل دائري و نحط في الوسط جبن المثلثات مخلط مع المعدنوس و نغلق العجينة في
الوسط ونحطها فوق سنيوة فيها ورق الطهي - نكمل البقية بنفس الطريقة مبعد ندهنهم بصفار بيضة مخلط مع مغرف صغيرة زيت و نزيد فوقهم الحبة السوداء او
جلجلان ونخليهم يرتاحو في الوقت لي يسخن فيه الفرن على درجة 200* مدة 10د مبعد ندخلهم يطيبو کي
يحمارو مليح نخرجهم.
شهية طيبة
