المقادير :
- 250غ مارغرين طرية
- 2 صفار بيض
- 1 كأس سكر ناعم
- 1 كأس نشاء
- 1/2 كأس كوكاو
- 1 م ك نيسكافيه
- 1 م ص عطر الكراميل
- 1 خميرة الحلويات
- فرينة
- للتزيين:
- مربى
- حلوة الترك
- شوكولا
- ملمع غذائي (ناكري) برونزي
طريقة التحضير :
نشعل الفرن يسخن على 180 درجة قبل بداية العمل
نخلط جيدا المارغرين مع صفار البيض و السكر الناعم و النيسكافيه و عطر الكراميل و الكوكاو، ثم نضيف النشاء و نخلط ثم نضيف الفرينة و خميرة الحلويات و نستمر في الخلط حتى نتحصل على عجينة طرية و غير لاصقة
نفتح العجينة بين كيسين بلاستيكيين ثم نطبعها بالطابع (شكله حسب الرغبة) ثم نضعها في صينية فيها ورق طهي و ندخلها للفرن حتى تطيب
نذوب الشوكولا في حمام مائي و نملئها في قوالب مكتوب فيها كلمة الحج ثم نضعهم في الثلاجة حتى يبردوا جيدا, بعد ذلك ننزعهم من القالب و ندهنهم بالناكري (ملمع غذائي) لون برونزي باستعمال اسفنجة
نخلط جيدا كمية من المربى مع حلوة الترك حتى يصبح كريمة، ثم نلصق كل قطعتين مع بعض باستعمال الكريمة ثم نتركهم يجفوا قليلا
ندهن اطراف الحلوى بالمربى ثم نغطسهم في كوكاو محمص و مطحون، ثم ندهنها من الاعلى في الوسط بالمربى و نلصق فيها الميدالية او الشوكولا المكتوب فيها كلمة حج و نضعهم في صينية و نتركهم حتى يجفوا
بالصحة و الهنا
