حلويات
مطبخ ام وليد مستحيل ماتجربيها جديد الدونات🍩 بثلاث مقادير اساسية ، خفيفة ريشة .
المقادير :
- 2 علب ياغورت طبيعي
- مغرف كبيرة فانيليا
- مغرف كبيرة خميرة الخبز
- 2 مغارف كبار سكر عادي
- فرينة
طريقة التحضير :
نحكم 2 علب ياغورت طبيعي نفرغهم في کاسرونة(تقدري تعوضيهم بكأس رايب) او ياغورت
ذوق فانيليا بصح تستغناي عن السكر
نحطها فوق النار ندفيه فقط و نطفي نفرغوا مبعد في طبسي و نزيد معاه مغرف كبيرة فانيليا+ مغرف كبيرة خميرة الخبز + 2 مغارف كبار سكر عادي نخلط ونبدا نزيد الفرينة حتى نتحصل على عجينة طرية
ندلكها شوية حتى تولي رطبة نغطيها ونخليها تخمر حوالي 30د
نرش طاولة العمل بالفرينة ونحلها بشكل دائري و شوية خشينة و نطبعها دوائر ونزيد نثقب
كل دائرة في الوسط و نحطهم في سنيوة فيها ورق الطهي و نغطيهم و نخليهم يخمرو حوالي 15د مبعد
نقليهم مباشرة في زيت سخونة ونحمرهم من كل الجوانب ونحيهم نحطهم فوق الورق الماص مبعد
نرمدهم في السكر ونقدمهم. يجيوك حوالي 15 حبة
شهية طيبة
