المقادير:
- 125غ مارغرين طرية
- 1 حبة بيض
- نصف كيس خميرة الحلويات
- فانيليا
- 2 م ك زيت
- 1 كأس نشاء
- نصف كأس سكر ناعم
- فرينة
- مربى و شوكولا للتزيين
طريقة التحضير:
نخلط جيدا المارغرين مع البيض و الزيت و الفانيليا و السكر الناعم حتى نتحصل على كريمة
ثم نضيف النشاء و خميرة الحلويات مغربلة و قليل من الفرينة و نواصل الخلط
نستمر في اضافة الفرينة على دفعات مع الاستمرار في الخلط حتى نتحصل على عجينة طرية لا تلتصق
نرش كيس بلاستيكي بالفرينة و نضع فوقه العجينة و نرشها بالفرينة ثم نغطيها بكيس اخر و نفتحها بالحلال
نطبع العجينة بطابع بيضوي ثم نضع حبات الحلوى في صينية فرن فيها ورق طهي
نغمس الشوكة (الفرشيطة) في الفرينة ثم نضغط بها على حبات الحلوى من المنتصف الى احد الطرفين
ندخلها للفرن مسخن مسبقا على 180 درجة حتى تطيب ثم نتركها تبرد تماما قبل التزيين
نلصق كل 2 حبات مع بعض باستعمال المربى
ثم نذوب شوكولا في حمام مائي بدون اي اضافات ثم نغطس فيها جهة الحبات العادية التي لم نضغط عليها بالشوكة
ثم نتركها تجف تماما قبل التقديم
بالصحة و الهنا
طريقة التضير بالفيديو :
شكرا سيدتي والف تحية