نحكم حبات بيسكوي بودوار ونغطسهم في الحليب و نحطهم كطبقة في مول مغلف بالورق الغذائي الشفاف
قم في كاسرونة نخلط 2 بيضات+ 3 الى 4 مغارف كبار سكر عادي نخلط و نزيد 2 مغارف كبار نشاء
نخلط جيدا بالفوي و نضيف الحليب و نخلط حوالي نصف لتر و نحطها فوق النار مع الخلط بدون توقف حتى تثقال مع الغلية الأولی نطفي نزيد مغرف كبيرة زبدة نخلط و نزيد فانيليا نخلط و نزيد عصير حبة ليمون نخلط و نفرغوا فوق طبقة البيسكوي
نسقمو مليح و مبعد نزيد فوقو طبقة أخری انتاع البيسكوي
المشمخ بالحليب مبعد نغطيهم بالورق الغذائي الشفاف
ندخل المول الثلاجة على الأقل 3 ساعات مبعد نحيه من المول و نحي الورق الغذائي و نرشو بالسكر الناعم او ندير خطوط بالشوكولا.
شهية طيبة
