المقادير :
- 1 ياهورت طبيعي
- 1/2 كأس ماء دافئ
- 1/4 كأس زيت
- 1 م ص خميرة الخبز
- 1 م ص سكر
- فرينة
- نشاء
- مقادير الحشو:
- لحم مفروم
- بصل
- جبن طري
- ملح و فلفل اسود
طريقة التحضير :
نخلط جيدا الياهورت مع الماء و الزيت و السكر ثم نضيف الخميرة و نخلط، ثم نضيف الملح و الفرينة (تدريجيا) و نخلط حتى نتحصل على عجينة طرية ثم ندلكها حوالي دقيقتين، ثم نرشها بالفرينة و نغطيها و نتركها تخمر
نشكل العجينة على شكل حربوش و نقطعها الى 10 اجزاء صغيرة، ثم نشكلهم كريات و نرمدهم جيدا في النشاء و نتركهم يرتاحوا حوالي 5 دقائق
لتحضير الحشو نغلي البطاطا في الماء ثم نطحنها او نمرسها ثم نضيف لها الملح ، و نقلي اللحم المفروم مع البصل و الملح و الفلفل الاسود و نخلطه مع البطاطا المغلية
نرش جيدا طاولة العمل و العجينة بالنشاء و نفتحها رقيقة جدا، ثم ندهن العجينة بالزيت و نضع في طرفها كمية من الحشو على شكل حربوش ثم نضيف الجبن الطري و نرولي العجينة
نضعهم في صينية فرن فيها ورق طهي و ندهنهم بالبيض و نرشهم بالجلجلان او السانوج و نقطع كل حربوش على 4 اجزاء، ثم ندخلهم للفرن مسخن مسبقا لمدة 15 دقيقة على 200 درجة
بالصحة و الهنا
