فطائر و معجنات

مطبخ ام وليد احلى خبزة بعجينة لميها فقط ، قرمشة و خفة و بنة

فرينة و زبدة و جبن فقط ونتي حضرتي احلى خبزة

نخلط 2 كيسان فرينة مغربلين+ ملح +زبدة التوريق أو الزبدة لي تتباع مغلفة في الورق تكون شادة روحها نرابيها
فوق الفرينة مبعد نخلطهم مع بعض مبعد نبدا نزيد في ماء بارد مليح لازم يكون قلاصي حتى نتحصل على عجينة
طرية بلا ما ندلكها نلمها فقط ونحطها في كيس بلاستيكي او ورق غذائي و نحطها تبرد في الثلاجة على الاقل ساعة

مبعد نرش طاولة العمل و العجينة بالفرينة و نحلها بالحلال بشكل دائري و رقيقة مليح ونحطها فوق سنيوة
فيها ورق الطهي يكون حجمها اكبر من حجم السنيوة يعني الاطراف تكون خارج السنيوة مبعد ندهن وسط
العجينة بأي جبن طري نزيد جبن مبشور ونحكم الاطراف المتواجدة خارج السنيوة ونغلق بيها الفطيرة نخلي فقط
الوسط غير مغطي نزيد نخبزها شوية بحجم السنيوة مبعد ندهنها بصفار بيضة و نزيد جبن مبشور فقط أمام الوسط و
ندخلها الفرن ماشي سخون بزاف على درجة 180* كي طيب و تحمار نخرجها.
شهية طيبة

مقالات ذات صلة

اترك تعليقاً

لن يتم نشر عنوان بريدك الإلكتروني.

 

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

زر الذهاب إلى الأعلى