نخلط 4 كيسان سميد رطب + 2 كيسان فرينة+ مغرف صغيرة سكر+ رشة خميرة الخبز وملح نخلط نزيد 2 مغارف كبار زيت
نخلط ونبدأ نزيد في ماء دافئ حتى نتحصل على عجينة طرية ندلكها و نزيد الماء وندخلوا مليح في كل مرة حتى تولي العجينة رطبة
ندهنها بالزيت و نغطيها بكيس بلاستيكي و نخليها ترتاح حوالي 30د
نشكل كرات و نحطهم في سنيوة مدهونة بالزيت نزيد ندهنهم مليح ونغطيهم بكيس بلاستيكي و نخليهم يرتاحو على الأقل 30د
ندهن طاولة العمل بالزيت ونحل الكرة الاولى وندهنها بزبدة ذائبة و نرشها بسميد رطب و نطويها على الجوانب و نزيد ندهنها بالزبدة ونرشها بالسميد و نزيد نطويها على اربعة و نحطها بجانب ونحكم كرة ثانية نحلها وندهنها بالزبدة ونحط في وسطها الخبزة الاولى و نطوي عليها من الجوانب ونزيد ندهنها ونرشها بالسميد و نزيد نطويها على اربعة ونحطها في سنيوة و نغطيها بكيس بلاستيكي
نكمل كامل الكرات بنفس الطريقة
حكم الخبزة الاولى و نعاود نبسطها و نرققها شوية و نحطها طيب مباشرة فوق مقلة فيها قطرات زيت و سخونة و نحمرها مليح من الجانبين ونكمل بقية الخبزات بنفس الطريقة
شهية طيبة
