الاطباق الرئيسية

طريقة عمل المحاجب بطريقة ساهلة

وصفة اليوم من أجمل وأشهى الوصفات في المطبخ الجزائري نحبوها كبار وصغار الا وهي المحاجب لكن بطريقة ساهلة وماهلة وماتعيييييييييش روحك خلاص بالدليك خصوصا ان كنت خدامة ولا عيانة والنتيجة راااااائعة .. 

محاجب بدون عجن ودليك بطريقة (الكيس المبلل)

المقادير:

  • كيلة سميد رطب
  • 1/2 كيلة فرينة
  • ملح
  • ماء دافي
  • كيس بلاستيكي
  • زيت نحلو بيه العجين
  • الحشوة:
  • كيلو بصل
  • كيلو طماطم
  • ملح
  • فلفل اسود
  • فلفل احمر
  • ملعفتان زيت كبيرتان
  •  ونقدرو نزيدو الفلفل الاخضر والزيتون الاخضر والللحم المفروم انت ومقدورك وكنا تحبيه

طريقة التحضير:

  • حطي في قصعة السميد والفرينة والملح وماء دافيء
  • اعجني بيدك حتى تتلم مع اضافة الماء تدريجيا
  • والخطوة المهمة جدا في طريقتنا …
  • خذي كيس بلاستيكي وغطسيه في ماء دافي
  • ومباشرة وهو يقطر نديرو فيه العجينة ونغلفه مليح
  • ونتركها ترتااااااح ..
  •  نحي الكيس ونعجن مرة اخرى يعني نلقاو العجينة مبللة ندخلو ليها هاداك الماء ونرجعو نديروها في الكيس لكن المرة هادي نعصرو الكيس ..
    وتولي طالقة الخيط او كيما العلك بلا ما تعيي رووووحك بالدليك
    طريقةناجحة 100%جربوها يا البنات وردولي الخبر ..
     بللي يديك بالزيت وشكلي كريات من العجين وضعيها جنب بعضها مع تذكر الترتيب ونخليها ترتاح ، قد ما تريح العجينة قد ماتكون نتيجة رائعة
    الحشو
  •  قطعي البصل إلى شرائح رقيقة وطويلة وقليها في الزيت على نار متوسطة إلى هادئة وغطها مع التحريك المستمرحتى تصبح شفافة وطرية .
     انزعي القشرة للطماطم بالسكرفاج واضيفيها إلى البصل مع الملح والتوابل وغطها واتركيها تطهو على نار هادئة مع التحريك من حين لآخر حتى لا تلصق.
  • عودي إلى اول كرية وافرديها كما في الصورة
    على طاولة مدهونة بالزيت
    لفيها حسب الصورة
    ضعي ملعقة من الحشو والأفضل ان يكون باردا
    اكملي اللف والطي على شكل مربعات
     ضعيها على الطاجين ” صفيحة من حديد ” تطهو من جهة ثم اقلبيها على الوجه الثاني
    ملاحظة
    نفس العجينة مع نفس طريقة اللف بدون حشو تسمى المسمن أو المعارك
     وتقدم مع القهوة والشاي والحليب.

مقالات ذات صلة

تعليق واحد

اترك تعليقاً

لن يتم نشر عنوان بريدك الإلكتروني.

 

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

زر الذهاب إلى الأعلى