مشروباتدروس طبخ

طريقة حفظ الليمون

راهو وقت الليمون وراكم عارفين في غير وقتو يرتفع سعرو بزاف ، و المعلوم ان القارص نحتاجوه بزاف في الحلويات سواء زاست نتاعو او العصير لاستعماله في الكريمات ،وحتى نحتاجوه في رمضان للشوربة و امور بزاف .

نعطيكم طريقتي في حفظ الليمون ،اولا نشريه في وقت يكون رخيص ونعصروه ونحطوه في مول تاع السليكون الي عندكم وندخلوه للثلاجة حتى يتجمد من بعد ننزعوهم ونحطوهم في كيس غذائي

الفائدةتاع مول سليكون انو الحجم صغير تقدري تخرجي غير كمية الي تحتاجي ما يفسدلكش،

بالنسبة لزاست احكمو تشينة و القارص اغسلوهم مليح وقشروهم بالموس كيما نقشرو التفاح ،احكمو غير على القشرة الرقيقة ،من بعد حطوهم في بلاطو دخلوهم للفور ينشفو غير شوي نحيوهم و ديروهم في قوبلي و خبيوهم في الثلاجة لوقت الحاجة ،كي تجيو تستعملوهم خرجو القوبلي اضغطو عليه من تحت يطلعلكم هذاك مبشور المجمد ابرشو بالسكرفاج قيس ما تحتاجو و عاودو رجعو القوبلي للثلاجة

كوني الاولى في تقييم الوصفة

اترك تعليقاً

لن يتم نشر عنوان بريدك الإلكتروني.

 

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

زر الذهاب إلى الأعلى