حلوياتدروس طبخ

طريقة تحضير اصابع القطايف المقرمشة واسرار نجاحها

الدرس السادس صبيعات القطايف

 المقادير :

  •  قطايف نوع جيد  الرقيق
  •  مرغرين او سمن
    الحشو :
  • 3 كيلات لوز
  • كيلة غير ربع سكر

رشة فانيلا و ملعقة كبيرة سمن او زبدة لكل 100 غ لوزونجمعوها بماء الزهر و نعجنوها مليح حتى يدخل السكر في اللوز نشكلوها اصابع وزن 15 غ تقريبا ونحطوها جانبا

 طريقة التحضير :

اولا نحلو القطايف جيدا ما تخلوهمش خيوط لاسقين في بعضاهم و نحطوها بشكل مستطيلات،كل مستطيل طولو 25 سم و العرض 10 سم من بعد ندهنو مليح هاذو المستطيلات بالمارغرين او السمن الذايب ،لازم تشبعوهم مليح ليدام وهذا هو سر القرمشة ،تحطو الحشو في الطرف و تروليو وحطوهم في صينية ،يطيبو على 170 درجة حتى يتحمرو مليح ،مباشرة خرجوهم حطوهم في العسل يكون دافي مدة دقيقتين فقط ونحيوهم باش ما يتكسروش حطوهم يقطرو و زينوهم بالفستق

ملاحظات :          

  • تقدرو تعوضو اللوز بالكاوكاو لكن حمصوه مليح باش يعطيكم بنة
  • العسل ما ديرولوش اضافات ،يعني ما تزيدوش ماء الزهر لانو هو يخلي القطايف تطرى وتولي عجين
  • تقدرو تشكلوهم كيما تحبو شواء صبيعات او كرات لكن للاحسن الكرات طيبوهم في مول سليكون يعطيكم شكل متناسق و باهي ،وتقدرو طيبوهم في مول شكل عش
5/5 - (1 صوت واحد)

اترك تعليقاً

لن يتم نشر عنوان بريدك الإلكتروني.

 

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

زر الذهاب إلى الأعلى