في قدرة نحط شوية زيت و مغرف كبيرة سمن و اطراف دجاج او لحم غنمي و نقليهم شوية مبعد نزيد حبة بصلة مقطعة
رقيقة او مرابية
نقليهم مليح نزيد ملح فلفل اسود و قرفة و نخليهم يتحمرو شوية مبعد نمرق ونزيد حمص (اذا كان طايب مليح خليه حتان تخثار لصوص و زيديه (
نغطيها و نخليهم يطيبو
في نفس الوقت نوجد كريات اللحم في طبسي نخلط كمية انتاع لحم مفروم + حبة بصلة صغيرة مرابية+ معدنوس مقطع رقيق + مغرف كبيرة شابليور+ مغرف
صغيرة سمن + ملح فلفل اسود و قرفة+ بياض بيضة ونخلط مليح مبعد نشكل كرات و نزيدهم مباشرة في لصوص و نخليهم حتى يطيبو مليح و تخثار لصوص ونحيهم، وفي طبسي نخلط بيضة+ مغرف كبيرة فرينة و شوية من لصوص
نخلط نزيد شوية كركم ملح ورشة خميرة الحلوى ونخلط
مبعد نحط فيها كريات اللحم ونقليهم مباشرة في زيت
سخونة ونحمرهم مليح ونحيهم مبعد في طبسي نخلط
صفار بيضة+ شوية صوص و عصرة ليمون نخلط و نفرغوا
في لصوص و نزيد نحط الكريات (اذا تحبيهم ناشفين خليهم عند التقديم و فرغي عليهم لصوص) نزيد معدنوس نغطيه
نخليه يزيد يغلي شوية ويخثار ونطفي.
شهية طيبة
والله وصفة الاكلير جربتها وجات روووعة في القمة…