مطبخ ام وليد خبيزات محشيين بالشوكولا

نقيس الزيت و السكر بنفس علبة الياهورت

نخلط الفرينة مع خميرة الخبز و الفانيليا و الخميرة الكيميائية و الملح، ثم نضيف البيضة و الياهورت و الزيت و السكر ثم نخلط جيدا

ثم نضيف الماء الدافئ و نخلط حتى نتحصل على عجينة طرية و تلتصق، ثم ندلكها حوالي دقيقتين حتى تصبح ملساء ولا تلتصق، ثم نغطيها بكيس بلاستيكي و نتركها ترتاح مدة 20 الى 30 دقيقة

نفتح العجينة على شكل حربوش ثم نقسمها على 12 جزء، نفتح كل جزء على شكل بيضوي و نضع في وسطه شوكولا، ثم نغلق على الشوكولا و نسوي الخبزة جيدا بشكل طولي

نضعهم في صينية فيها ورق طهي بحيث يكون مكان الغلق من الاسفل، و نتركهم حتى يخمروا ثم ندهنهم بالبيض مخلوط مع الفانيليا او الحليب، ثم ندخلهم للفرن مسخن مسبقا على 180 حتى 200 درجة حتى يطيبوا

بالصحة و الهنا

طريقة التحضير بالفيديو :