بريوش في قالب الموسكوتشو و الكيك
وصفة سهلة و اقتصادية بعجينة رائعة
المقادير :
- 1 علبة ياهورت معطر
- 1 علبة زيت
- 1 علبة سكر
- 2 علبة ماء دافئ
- 1 بيض
- 1 م ك خميرة الخبز
- 1 خميرة الحلويات
- فرينة
طريقة التحضير :
نخلط جيدا السكر مع الياهورت و الزيت و البيضة ثم نضيف الماء الدافئ و خميرة الخبز و الملح و نواصل الخلط, ثم نضيف الفرينة (على دفعات) و خميرة الحلويات و نخلط و نخبط الخليط حتى نتحصل على عجينة طرية, بعد ذلك ندلكها حوالي دقيقتين ثم ندهنها بقليل من الزيت و نغطيها و نتركها تخمر مدة 45 الى 60 دقيقة
نقسم العجينة على جزئين و نشكل كل جزء حربوش طويل ثم نقسمه الى 5 قطع متساوية و نشكل كل قطعة على شكل كرة بحيث نتحصل على 10 كرات
نضع الكرات في قالب الموسكوتشو او الكيك مدهون بالزيت و مرشوش بالفرينة و نترك بينهم مسافة ثم نغطيهم بفيلم شفاف و نتركهم يخمروا جيدا
نخلط صفار بيضة مع ملعقة كبيرة حليب و قطرة خل ثم ندهن به البريوش و نزينه بالجلجلان او شرائح اللوز (التزيين اختياري) ثم ندخلهم للفرن على 190 درجة حتى يحمروا جيدا
بالصحة و الهنا
