الصامصة، حلوة جزائرية بامتياز، من الحلويات التقليدية المعسلة، التي تزين مائدتنا في جميع المناسبات والأفراح، خاصة السهرات الرمضانية، والتي لا يمكن الاستغناء عنها
الوصفة من اعداد شاف لبنى
1) وصفة جدتي الاصلية :
في صحن عميق نضع 3 كيلات فرينة ( دقيق ابيض) مغربله مليح 1/4 ربع كيلة من سمن النباتي ذايب وبارد، رشة ملح ونعجن بالماء وماء زهر…
نخليها ترتاح ساعتين على الأقل.
الحشوة :
2 كيلات لوز مرحي متوسط +كيلة سكر + ملعقة صغيرة قرفه + 3 ملاعق كبار ماء زهر ( الحشوة هنا نفتلها فقط كيما تع البقلاوة)
2) الوصفة الثانية :
ناخذ 4 كيلات فرينة اي طحين+ ملح + 2/1 كيلة زبدة ذايبة وباردة + اقل شوية من 2/1 كيلة زيت + ماء حتى تنطم العجينة.
الحشو 3كيلات لوز+ 1 كيلة سكر +قرفة و ماء الزهر
3) الوصفة الثالثة :
4كيلات طحين ابيض + صفار بيضتين + كيلة زبدة وسمن مخلطين ذايب وبارد رشة ملح، ورشة خميرة م. ك خل وماء وماء زهر. ( الكيلة 250غ)
4) صامصة بعجينة القريوش :
1كغ فرينة + 250غ زبدة ذايبة وباردة + 2م.ك سمن + بيضة + 2 مغارف كبار خل، فانيليا +1 خميرة، ونلم بالماء و ماء زهر.
طريقة العمل :
نجمعو مليح العجينة حتى نتحصل على عجينة طرية وسهلة .اهم شيء هي اننا نتركها ترتاح اطول مدة
ترتاح لأكثر من ساعتين، راح تعطيك نتيجة سحريه روعة
نرش سطح العمل بالمايزينة ونحلها شوي ثم نستعين ب آلة للتوريق في الارقام التاليه رقم 1…..3……7
واستعيني بالمايزينة اهم امر متستخدميش الطحين.لانو يبسها ..ويمتص الزيت اثناء القلي .المايزينة تخففها .أكثر
اعملي شريط بالورق اذا كنتي ممبتدئة عرضه حوالي من 5- 10سم وحطيه كقياس لعجينتك حتى يطلعو كلهم بنفس الحجم.
نضع شوية حشوة ملعقة صغيرة تقريبا في الوسط ونغلقها ثلاث مرات
ثم نقطعها و نتحصل على هذا المثلث، شوفو صور
بعدها نسخن الزيت في مقلى عالية حتى ما نقيسوش روحنا و لما تسخن الزيت ناخذو المثلث و نحلوه من مرة وحدة نرمو الزيت قليلا على العجينة المحلولة ثم نعاود نغلقها و نرمي زيت عليها حتى تتحمر او تتفخفخ ثم نقلبا من الجهة الثانية.. تقريبا نفس مبدأ القريوش
و في الاخير نعسلوها بعسل دافئ.
5) الصامصة بالدول :
6 وريقات من الديول +200 غ من اللوز مرحي +نصف كاس من ماء الزهر+كمية صغيرة من القرفة+ملعقتين زبدة+65 غ سكر ناعم.
الزيت للقلي.
كوبين شاربات (قطر)
طريقة التحضير :
حضري الحشو بمزج اللوز والسكر الناعم والقرفة وماء الزهر والزبدة حتى تحصلي على حشو متماسك
ثم خذى نصف ورقة من الديول في كل زاوية ضعي مقدار ملعقة اكل من الحشوة,ثم اطويها على نفسها3 مرات حتى تتحصلي على شكل مثلث( بهذه الطريقة اتممي الديول المتبقية).
في مقلاة ضعي الزيت واتركيه يسخن قليلا ثم قومي بقلي المثلثات الى ان تحمر,تصفى من الزيت ثم ضعيها في العسل البارد.
6) صامصة بالعجينة بدون آلة توريق العجين :
للعجينة :
4 كيلات فرينة +رشة ملح +2/1 كيلة سمن+2/1 كيلة زيت
7ملاعق كبيرة ماء الزهر ماء حتى نجمع العجنية
للحشو :
3كيلات لوزكيلة سكر قرفة ماء الزهر
الزيت للقلي.
كوبين شاربات (قطر)
كيفية التحضير :
في وعاء نضع الفرينة والملح والسمن والزيت ونخلط جيدا ثم نضيف ماء الزهر ونكمل بالماء حتى نحصل على عجينة ملساء وطرية، اتركيها ترتاح 15 دقيقة..
حضري الحشو بخلط اللوز والسكر والقرفة ثم ضفي ماء الزهر لتحصلي على خليط متجانس
قسمي العجينة لكراة وافرديها كل زوج فوق بعضواستعملي المايزينة حتى ترجع بسمك 3 ملم وقطعيها مستطيلات بعرض 5 – 8 سم وطول 18سم حطي الحشو في الطرف ولفيها على نفسها 3 مرات على شكل مثلث وقطعي العجينة الزائدة، اقليها في الزيت ثم عسليها
نصائح وأسرار :
الأحسن تبسي الفرينة مليح بلى دام باش تضيفي الماء.
الأحسن يكون الماء دافئ، باش ماتتكورش الفرينة ولي دام.
متخليش العجينة معرضة للهواء تنشف وتغلبك في الخدمة.
ضروري ترتاح العجينة أقل شي 15 دقيقة في الثلاجة، وساعتين فأكثر
حلي العجينة بالمايزينة، باش ماتنشفش وتجي يابسة.
الحشوة افتليها برك باش يذوب السكر متكثريش ماء زهر، وزيدي لها زاست تجي روعة.
نسخن زيت مليح ونقص النار ونحطها علا الجهة لي غلقت بيها. ونصب عليها زيت حتى تتنفخ، ونقلها.
تأخذ اللون الذهبي نحيها ونخليها تقطر وتبرد، باش نعسلها بعسل دافئ.
إذا مالصقتلكش وتفتحت لصقيها بياض البيض.
انا نحبها تكون الحبة ظريفة، المستطيل نقصو بعرض 6سم وطول 18 سم وهاذا مقياسي الثابت
اهم حاجة : الصامصة تقدرو تشكل ها كيما تحبو الأصلية مثلثات، لكن طيبوها سيقار، كورنيش واقماع، وعاودو احشوهم، مربعات، تصلح بيهم كاااامل
