حلويات

الدرس الأول : تحضير الفواكه الجافة ( تحويل ذوق الكاوكاو الى اللوز )

الدرس_الاول /حلويات
السلام عليكم ورحمة الله.ان شاء الله تكونو كامل بخير
اليوم سوف نبدأ ان  شاء الله بدرس مهم و سوف  يكون متعلق بكل الدروس القادمة و  هو طريقة تحضير الفواكه الجافة –المكسرات الخاصة بالحلويات يعني تحضير اللوز .طريقة تحويل ذوق الكوكاو للوز-طريقة تحويل ذوق الكوكاو الى –لى الفستق-بييستاش- تلوين الجلجلان-تلوين السكر-تلوين جوز الهند –نوادكوكو-
اليوم نعطيكم الجزء الاول من الدرس.و الجزء الثاني سيتم نشره لاحقا

اولا طريقة تحضير اللوز و حفظه

– اولا نشريو اللوز في وقت يكون رخيس نغليو الماء و نحطوه فيه من بعد نسلوه ونحطوه ينشف في مكان جاف
-ما تحطوش اللوز قبال الشمس ينشفلكم خطراش يغملكم
– ما تنشفوش اللوز في الفور لانو كاين حلويات ما تصلحلكمش اذا درتوه في الفور مثل الكفتة ومقروط اللوز و عجينة اللوز
-خبيوه في المجمد عادي ما تخافوش عليه وكي نهار تحتاجوه اجبدو كمية و حطوها ديكونجولا و تنشف بين يوم الى يومين
– اذا احتجتو لوز بالقشور دايما اغسلوه مليح وحطوه ينشف.في حالة ما خليتوهش ينشف رايحة هاذيك القشرة يعطيكم ريحة و ذوق ماش مليح في الحلوة نتاعكم.
– اذا احتجتو لوز محمص دايما حمصوه على اقل درجة عندكم في الفور هكذا يعطيكم بنة

ثانيا الكوكاو :

طريقة تحويل ذوق الكواكاو للوز هاذي حيلة نستعملوها في الحلويات الي ما تقدرش تشري اللوز او للمبتدئات الي يحبو يتعلمو حلويات باش ما يخسروش اللوز .
– الزيت الي في الكوكاو هو الي يخليه يجي ثقيل يعني لازم نتخلصو من الزيت نتاعو باش يولي خفيف كيما اللوز.
– نستعملو كلغ كوكاو تكونو قشرتوه ورحيتوه مدشش خشين نفوروه المرة الاولى فوق لتر ما و حبة قارص مقطعة و ملعقة لافاني ونخليوه يفور كيما البربوشة –الطعام – غير يبدا يخرج البخار يعني تقريبا مدة دقيقتين ما تزيدولوش كتر تنحيوه وتحطوه في القصعة و تحلوه .
وتعاودو تفوروه للمرة الثانية فوق كاس ماء وكاس ماء زهر وحبات قرنفل ومغرفة كبيرة لافاني ونفوروه بنفس الطريقة
– ونزيدو نفوره للمرة الثالثة فوق ماء زهر وحدو و 2 ملاعق كبار عطر اللوز تقدرو تستعملو اما لوز حلو او خليط بين عطر لوز حلو ولوز مر .ونحط الكوكاو في الكسكساس ونغطيوه بطبقة دوائر قارص و نرشو فوقو لافاني و نغطيوه بمناديل الورقية ونخلويه دقيقتين نشوفوه بدا يفور نحيوه نفرغوه في قصعة كيما بربوشة ونحلوه و نحطوه في صينية نفرشولو و نغطيوه بطراشن سواء قماش او ورقية نحاولو نخرجولو هاذاك الزيت الي فيه وكل مرة تحركوه و تبدلولو الطراشن حتى يخلاص منو الزيت و تلقاوه نشف.المدة بين 3 الى 5 ايام
الذوق نتاعو راح يجي شبيه للوز و تستعملوه بديل للوز .ولاحقا ان شاء الله نعطيكم الوصفات الخاصة بيه
انتظروني في الجزء الثاني غدا ان شاء الله في طريقة تحويل ذوق الكوكاو الي البيستاش و ايضا طريقة اخرى لتحويله الى ذوق اللوز.طريقة تلوين السكر و نوادكوكو و الجلجلان لتزيين الحلويات
نقولكم مع السلامة واي سؤال انا في الخدمة

تقييم الوصفة

تقييم الوصفة

تقييم المستخدمون: 4.65 ( 1 أصوات)

الوسوم
اظهر المزيد

موقع الف وصفة

يختص هذا الموقع بتقديم اشهي وأطيب الأطباق العربية لجيمع أنواع االاكلات المالحة والحلوة سهلة التحضير وبمواد بسيطة والمقادير المضبوطة والمجربة والناجحة

مقالات ذات صلة

اترك تعليقاً

لن يتم نشر عنوان بريدك الإلكتروني.

 

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

زر الذهاب إلى الأعلى
إغلاق
إغلاق