مطبخ ام وليد بنصف صدر دجاج حضرت احلى طبق رئيسي عائلي وبنتو بنة
في قدرة نحط شوية زيت ونقلي نصف صدر دجاج نحمرو مليح و نزيد بصلة مرابية ونذبلها شوية و نزيد ملح فلفل اسود وتوابل خاصة بالدجاج + معدنوس+ زيتون اخضر كنتي بدلتيلو الماء عدة مرات
نخلط و نخليهم يتقلاو شوية مبعد نمرق بماء سخون و نغطيها نخليها حتى تخثار لصوص ونطفي
في نفس الوقت نحط في كاسرونة كمية انتاع روز تغلي في الماء و الملح کي يطيب نصفيه
في طبسي نخلط 2 بيضات+ شوية صوص + نصف كأس کرام فراش او حليب+ ملح و نخلط نزيد الجاج لي طيبناه تكوني طحنتيه مليح في الميكسور او فتتيه مليح باليد نخلط ونزيد الروز ونخلط مبعد نفرغوا في مول مدهون بالزبدة و ندخلوا الفرن ينشف فقط حوالي 10 الى 15د
في نفس الوقت نوجد الطبقة الثانية في طبسي نخلط 2 مغارف كبار جبن طري+ بيضة+ نصف كأس گرام فراش او ربع كأس حليب نخلطهم مليح بالبرا میکسور مبعد كي نخرج المول من الفرن نفرغوا فوقوا ونعاود ندخلوا الفرن کي يطيبو مليح نخرجوا و هو سخون نحط فوقوا جبن السوندويتشات و نقدموا مع الزيتون و لصوص
شهية طيبة
